Beertjies
Die doel van hierdie diensgroep is om beertjies te brei en te skenk aan diegene wat ‘n bietjie liefde nodig het. Die beertjies word veral uitgedeel aan siek kinders, kinders in hospitale, liggaamlik of verstandelik gestremde kinders in spesiale skole, kinders in kinderhuise, ensovoorts) . Gepaardgaande met die beertjie word ook die boodskap van God se liefde aan hulle gebring. Sedert Covid het ons heelwat versoeke van ons bejaarde tehuis ontvang. Ons gemeente doen ook deurentyd voorbidding vir die ontvangers van hierdie beertjies. Wat ‘n vreugde en ‘n voorreg om hierby betrokke te mag wees.
Vir meer inligting of as jy betrokke wil raak, kontak die kerkkantoor.
Die beertjie-sprokie
Lank lank gelede in 1997 is ‘n “onskuldige versoek” gerig. “Wil julle bejaardes van die Gereformeerde Kerk Pretoria-Oos, nie miskien vir ons 60 beertjies brei wat ons aan kinders-in-nood wil skenk nie?”
Van toe af is daar nooit opgehou brei nie.
In 2003 kring die projek uit na die Gereformeerde Kerk Brooklyn en in 2009 na die Gereformeerde Kerk Worcester.
In 2016 sien die Gereformeerde Kerk Brackenhof se Beertjie Diensgroep die lig. Duisende beertjies verder word daar nog steeds gebrei, vasgewerk, snoetjies gemaak, gestop, ogies opgeplak, lintjies gestrik en kaartjies met ʼn boodskap vasgewerk.
Waar kom beertjies vandaan?
Hulle groei aan bome, natuurlik!
Hoe word ‘n beertjie gebrei?
Wie was ontvangers van beertjies die afgelope paar jaar?
2023
- Cambodia – Ons bid-beertjies kring al verder uit. Terwyl twee van ons breiers by hul kinders in Perth gaan kuier het, het hulle ‘n beertjie werkswinkel in Desember help aanbied by Warnbro Community Church van Secret Harbour om 200 beertjies te help voltooi. Hierdie beertjies is in Combodia uitgedeel tydens die gemeente se uitreik.
- Skool in Polokwane
- Kleuters in die Oos-Kaap
In Totaal: 252
Cambodia
2022
- Katlehong Central Reformed Church
- Cornerstone (kinders in pleegsorg, His Honour Kinderhuis, Kleuterskool (wat verkragtingslagoffers ondersteun), Door of Hope (via Suiderlig Voortrekker Kommando)
- Epic Foundation, Steeldale
- The Lighthouse Baby Shelter
- Kruispaaie (Lewenskruispaaie Sorgsentrum, Vereeniging)
- Teddy Bear Clinic, Johannesburg (via Suiderlig Voortrekker Kommando)
- Individue
- Glory of Hope Tabernacle
- Dr Dlakane
- Eden Encounters Ministries, Springs
- Cradle of Hope
- Hoërskool Jan Viljoen
- Vosloorus
- Dr Danie – vir sy spreekkamer in Mulbarton
- Voortrekkers
- Dalmondeor Laerskool in Mondeor
- Abraham Kriel tehuis
In Totaal: 1169
Lighthouse Baby Shelter, Randburg
Abraham Kriel tehuis
Voortrekkers – hulle het ons beertjies saam met babaprodukte in geskenksakke gegee vir minderbevoorregtes
Hoërshool Jan Viljoen
Epic Foundation
Dr Danie
Ons breiers saam met die dames wat 50 van ons beertjies in Vosloorus gaan uitdeel het tesame met Woordverkondiging
Cradle of Hope
- Racadex
- Gereformeerde Kerk Andeon
- Randvaal tehuis vir Bejaardes
- Kids Haven
- Cedar Manor Oord vir Bejaardes – en toe die ander die siekeboegbeertjies sien, wou hulle ook hê
- Tiago Garden Service
- Verskeie kleuterskole via Priscilla Faba, Mev SA semi-finalis
- Louis Botha Kinderhuis
- Gereformeerde Kerk Derdepoort
- Gereformeerde Kerk Eersterust
- Eersterust gemeenskap
- New City Church, Wapadrand
- Bejaarde tehuis, Lichtenburg
- Lichie Omgeeprojek, Lichtenburg
- Individue
In Totaal: 1,100
Randvaal tehuis
Ons soek iemand wat vir ons lief gaan wees om by te gaan woon, maar ons kan nie inkom nie.
Lichtenburg
Cedar Manor
Priscilla Faba, Mev SA semi-finalis
2020
- Skool vir Outistiese kindertjies
- Kleuterskool, Polekwane
- Helpende Hand
- Kinderhuis, Bethlehem
- Uitreik deur maatskaplike werkster
- Kleuterskool, Alberton
- Evangelisasie, Johannesburg
- Frances Vorwerg Skool
- Individue
In Totaal: 826
2019
- Helpende Hand
- CHOC versprei deur Gereformeerde Kerk Alberton-Wes
- Uitreik in Bloemfontein
- Jiswa School, Lenasia, op Mandela-dag
- Brackenhurst Primary School for their outreach projects
- Uitreik in Johannesburg
- Plaasskooltjies
- Toy Run
- Individue
In Totaal: 782
2018
- Steve Biko Kindersaal, Pretoria
- Reddersburg Kinderhuis
- Kleuterskool, Jan Hofmeyer
- Uitreik in Namibië
- Helpende Hand (dankie, Judi, vir die verspreiding) Ons het spesiaal klein beertjies gebrei vir hul troetelpakkies wat by kraamsale uitgedeel word.
- Tydens Kersdiens
- Individue
In Totaal: 323
2017
- Evangelisasie, Johannesburg
- Kinderhuis via VLU
- Helpende Hand
- Gereformeerde Kerk Middelburg
- Brackenhurst Primary for their outreach to TLC Orphanage
- Suidheuwels Gemeenskapsdiens
- Individue
In Totaal: 243
2016
- Verskeie uitreike na Zambia
- Hope School, Johannesburg
- Jiswa School, Lenasia
- Helpende Hand
- Hamlet School
- Xavier Old Age Cottages
- Teddy Bear Family Foundation outreaches
- Individue
In Totaal: 1,100
Ons Beertjie-Koningin
In al die jare sedert 1997 het ons nog nooit iemand teëgekom wat so vinnig so baie beertjies kan brei nie. Die afgelope vyf jaar het Bettie Aucamp al meer as 1,500 beertjies gebrei. ‘n Ware kampioen!
Maar ons dank aan almal wat betrokke is: ons breiers, snoeitjiemakers, vaswerkers, opstoppers, lintjie-strikkers, ogiesmaker (een persoon wat hul almal maak!), kaartjiemakers, uitdelers te same met die Evangelieboodskap, borge en VOORBIDDERS! Elkeen speel ‘n enorme rol om die Here se liefde na ander te versprei
By ‘n spesiale geleentheid is ons drie Beertjie Koninginne gekroon!
Hoe lank neem dit om een beertjie te maak?
Iemand vra ons nou die dag, “Hoe lank neem dit om ’n beertjie te maak?”
Ja, as mens dit in man-ure sou omsit, sou dit baie goedkoper gewees het om net ’n beertjie te gaan koop en te skenk. Dis die maklike manier. Maar nou word daar met elke steek wat in liefde gebrei of vasgewerk word, met deernis aan die ontvanger van daardie spesifieke beertjie gedink. En baie van die beertjies gaan deur baie hande voordat hulle kant en klaar is.
Beertjies op pad Pretoria toe, waar ons twee helpertjies gaan help uitdeel.
Sommige lede van die Beertjie Diensgroep by die beertjies wat oppad Pretoria toe is.
