Lidmate wend hul gawes in diensgroepe aan tot opbou en uitbou van die gemeente en die liggaam van Christus. 

Kontak die kerkkantoor as jy betrokke wil raak: kantoor@gkbrackenhof.org.za

Helpende Hand

Die diensgroep pak verdienstelike sake aan om ondersteuning te bied in die gemeenskap. Klere, kos en ander items word gekollekteer en dan deur middel van Helpende Hand versprei.

 

Kontakpersoon: Ella Kruger

Ons Winkel(s) – Gaan besoek die winkel, of skenk iets, en BID

Een van ons lidmate, Adriaan Kruger, is werksaam by Helpende Hand se Ons Winkel in Edenvale,  Van Riebeecklaan 69.

 

Deur middel van “Ons Winkel(s)” dwarsoor die land poog Helpende hand om daardeur nie net werksgeleenthede te skep nie, maar ook om studiefondse vir studente te genereer, en ook om goeie kwaliteit items teen bekostigbare pryse aan die publiek te verskaf.

 

Hoe kan jy help?

  1. Besoek Ons Winkel(s) en gaan KOOP iets.
  2. Doen voorbidding vir Ons Winkel(s) sodat hul projekte volhoubaar kan wees.

Droomrok-projek – Skenk ‘n droomrok

Een van Ons Winkel in Edenvale se projekte is die Droomrok-projek wat in samewerking met Demi Lee Moore begin is. Droomrokke vir daardie spesiale geleentheid word teen ‘n minimale bedrag aan dames verhuur.

 

 

Hoe kan jy help?

Skenk daardie ou matriekafskeidrok of trourok of dineerok wat net in die kas lê en stof vergader vir hul Droomrok-projek.

Die FroueVonds word met opset verkeerd gespel om aan te pas by ons leuse, “want alles loop nie altyd reg nie”.

Indien jy meer wil weet in verband met die werksaamhede van Helpende Hand, besoek gerus hulle webwerf.