Lewenskruispaaie Sorgsentrum - Wie is hulle?
Hierdie Sorgsentrum bestaan al jare en huisves deurentyd ongeveer 75 hawelose mense. Die Sorgsentrum gee vir hulle huisvesting, voorsien in hul ander behoeftes, ook met Woordbediening, en help hulle om weer op hul voete te kom. Wyle Pastoor Henk Stander het ‘n groot rol gespeel om destyds die Sorgsentrum op die been te bring.
Adres
Posadres:
Lewenskruispaaie Sorgsentrum
Posbus 26480
Drie Riviere
1935
Suid-Afrika
Fisiese adres:
Retiefstraat 90
Buyscelia
Telefoon: 071 422 8961
Registrasie #: 005-826 NPO
Christo en Sophia Stander, die versorgers, en Pastoor Lynnette Stander wat alles vir ons aangery het.
Ons is die Here baie dankbaar dat ons betrokke kon wees by hierdie uitreik om ‘n skenking van die volgende te kon maak:
- 100 individuele presentjies van paaseiers, koekies en ‘n Bybelvers
- Mieliemeel
- Rys
- Stampmielies
- Soja
- Grondboontjiebotter
- Konfyt
- Paasbolletjies
- “Baked beans”, en ander items.
En dan was ons Beertjie Diensgroep ook bevoorreg om 15 beertjies te kon skenk vir die kinders.
Baie groot dankie aan Wyk B3 se lede vir al die skenkings, aan Vera in New Redruth wat alles in ontvangs geneem het en aan Pastoor Lynnette Stander wat alles kom oplaai het en deurgevat het na die plot in Buyscelia.
Almal se voorbidding word gevra, nie net vir die inwoners van die Lewenskruispaaie Sorgsentrum nie, maar ook vir hul versorgers.
“Kyk wat ’n groot liefde die Vader aan óns bewys het, dat ons kinders van God genoem kan word!
Hierin is die liefde: nie dat óns God liefgehad het nie, maar dat Hý ons liefgehad het en
sy Seun gestuur het as ’n versoening vir ons sondes.”
1 Joh 3:1 en 4:10